كلمات اغني اكرهينى للامير مصطفى كامل

شاطرين في الجراح وقلوبنا بقت زي الحجر
ويعيش اللي مات إحساسه
ويموت اللي يوفي لناسه
ملعون أي حب أساسه شجر كدب وألم وخيانة
إنتي اللي صح مش حلومك صدقيني
دوسي أوي على كل شيء بينك وبيني
بيعي قلبي .. خوني حبي .. اكرهيني
أنا اللي رضيت غرورك
اديتلك دور مش دورك
عملتك من مفيش
عديتلك فوق جروحي
وبنتلك بيت في روحي
وكان نفسي البيت يعيش
لملمت جراح كتيرة
وعملت حاجات كتيرة
كان بعدك لا مليش
كان ممكن مات هوانا
مليون فرصة خيانة
لكني ما خنتكيش
وادي جزاء القلب الطيب
بعد ما داوا وبعد ما طيب
بعد ما طلعك السما بتنزليه
دايسه على جراحه ولا همك
موج الغدر بيجري بدمك
إيه يعني قلبي لو ترمى ودستي عليه
ما أنا اللي وفيت زيادة
أيام وسنين سعادة
كنت بسامح كتير
كان قلبي أسير عذابك
وما جرحكيش وسابك
فاكر قلبك كبير
أيام وسنين طويلة
ما اخترتش يوم بديلة
جاهل بحب بضمير
وادي الأحلام وباينه
وادي اللي حاببها خاينة
وادي نهاية المصير
وادي جزاء القلب الطيب
بعد ما داوا وبعد ما طيب
قلبي اللي عاشلك دنيته بتجرحيه
دايسه على جراحه ولا همك
موج الغدر بيجري بدمك
جرحك في قلبي حسكته وحقدر عليه
شكرا يا عذاب عذابي
أنا لازم أعيد حسابي
جرحك ما يهزنيش
شكرا يا مرار سنيني
شكرا عشان ادتيني
درس ما يتنسيش
إن اللي يعيش لناسه
تبقى الأحلام أساسه
في زمنا حرام يعيش
وادي جرحي كمان بدألي
ما أنا لو حبيت بعقلي
كان قلي ما تساويش
وادي جزاء القلب الطيب
بعد ما داوا وبعد ما طيب
بعد ما خاف على حبنا بتموتيه
دايسة على جراحه ولا همك
موج الغدر بيجري بدمك
بيني وبينك ربنا حقولك إيه